"Fənərbağça"da yeni mövsüm hazırlıqları start götürdü

Türkiyənin "Fənərbağça" klubu 2024/25 mövsümünün hazırlıqlarına başlayıb.

90deqiqe.Az-ın klubun rəsmi saytına istinadən məlumatına görə, futbolçular tibbi müayinədən keçməyə başlayıblar.

Tibbi testlərdən komandanın baş məşqçisi Joze Mourinyo və onun məşqçi heyəti də keçib.

Xatırladaq ki, "Fənərbağça" ötən mövsüm Super Liqanı ikinci pillədə başa vurub. Mourinyonun komandası çempion "Qalatasaray"dan 11 xal geri qalıb.

İstanbul təmsilçisi yeni mövsümdə UEFA Çempionlar Liqasına üçüncü təsnifat mərhələsindən start verəcək. Qrup mərhələsinə düşmək üçün komanda iki mərhələni keçməlidir.

Türkiyə Super Liqasında 2024/25 mövsümünün startı 8 avqusta planlaşdırılıb.