“Fənərbağça"nı çalışdırmaq mənim üçün səhv idi”

“Benfika”nın yeni baş məşqçisi Joze Mourinyo keçmişdə Türkiyənin “Fənərbağça” klubunu çalışdırarkən səhv etdiyini etiraf edib.

90deqiqe.Az xəbər verir ki, "A Bola" çalışdırıcının fikirlərini belə çatdırıb:

“Mənim üçün ideal kontekst yenidən dünyanın ən yaxşı komandalarından birini çalışdırmaqdır. Karyeram boyunca dünyanın ən böyük klublarında, müxtəlif ölkələrdə işləmişəm.

“Fənərbağça"nı çalışdırmaq mənim üçün səhv idi. Bu səviyyə mənim futbol anlayışıma uyğun deyildi. Lakin son günə qədər gücümü verdim. Təbii ki, işdən çıxarıldığım üçün məyus idim, elə Brunu Lajı da belə hiss etmişdi – heç kəs işdən çıxarılmağı sevmir. Amma “Benfika”nı çalışdırmaq mənim səviyyəmə qayıtmaqdır, və mənim səviyyəm dünyanın ən böyük klublarını çalışdırmaqdır.”

Portuqaliyalı mütəxəssis İstanbul təmsilçisini 2024-cü ilin iyulundan 2025-ci ilin avqustuna qədər çalışdırmışdı.