“Qalatasaray” klubunun transfer pəncərəsinin son günlərində transfer etdiyi Florin Andone Super Liqanın 4-cü turu çərçivəsində keçiriləcək “Kasımpaşa” ilə oyunda komandasına kömək edə bilməyəcək.
Corner.az xəbər verir ki, buna səbəb 26 yaşlı futbolçunun icarəyə götürüldüyü “Brayton”un heyətində İngiltərə Premyer Liqasında aldığı qırmızı vərəqə göstərilir.
Bu barədə İstanbul təmsilçisinin mətbuat xidməti məlumat yayıb. Rumıniyalı forvard Premyer Liqanın 3-cü turunda keçirilən “Brayton” - “Sauthempton” matçında birbaşa qırmızı vərəqə ilə meydandan qovulub və İngiltərə Futbol Federasiyası ona 3 oyunluq cəza verib. O, “Mançester Siti” ilə Premyer Liqa və “Bristol”la İngiltərə Kubokunun matçında meydana çıxmamaqla 2 oyunluq cəzasını bitirib. Bundan sonra isə o, “Qalatasaray”a transfer olunub. Mövcud qaydalara əsasən, Andonenin 1 oyunluq cəzası qaldığı üçün yeni komandasında da 1 oyunu buraxmalı olacaq.