"Mourinyonun rəhbərliyi altında klub özünü cansız hiss edirdi"

“Fənərbağça” klubunun prezidenti Sadettin Saran baş məşqçi Joze Mourinyonun rəhbərliyi dövründə komandanın vəziyyəti barədə fikirlərini bölüşüb.

90deqiqe.Az “Turkiye Today”a istinadən xəbər verir ki, klub rəhbəri yay təlim-məşq toplanışından ciddi narazı qaldığını bildirib.

“Bir dəfə demişdim ki, klubda cansızlıq hiss olunurdu – əslində, bu ifadə vəziyyəti çox yumşaq şəkildə təsvir edir. Bunu bazanı ziyarət etdiyim zaman açıq şəkildə gördüm”

Xatırladaq ki, Joze Mourinyo avqustun sonunda “Fənərbağça”dakı baş məşqçi vəzifəsindən uzaqlaşdırılıb. Hazırda portuqaliyalı mütəxəssis “Benfika” klubunu çalışdırır, İstanbul təmsilçisini isə Domeniko Tedesko idarə edir.