“Qalatasaray”ın yeni transferi Mario Leminanın dünən “Kasımpaşa”ya qarşı keçirilən debüt matçında erkən əvəzlənməsinin səbəbi müəyyənləşib.
Corner.az xəbər verir ki, İngiltərənin “Sauthempton” klubundan 1 illik icarəyə götürülən 26 yaşlı futbolçu yeni komandasında ilk oyununa çıxsa da, artıq 25-ci dəqiqədə öz istəyi ilə əvəzlənib.O yerini Ömər Bayrama buraxıb.
Qarşılaşmadan sonra futbolçu zədə almadığı halda, erkən əvəzlənməsinin səbəbini belə açıqlayıb: “İndi yaxşıyam. Oyun zamanı belə şeylər ola bilir. Mədəm bulandığına görə meydanı tərk etmək məcburiyyətində qaldım. Hazırda heç bir problemim yoxdu, hər şey qaydasındadı”.
Qeyd edək ki, “Qalatasaray” bu oyunda digər debüt edən yeni transferi Radamel Falkaonun vurduğu yeganə qol sayəsində qələbə qazanıb