"Kasımpaşa"nın yeni baş məşqçisi bəlli oldu

Şota Arveladze ilə yollarını ayıran “Kasımpaşa” klubunun yeni baş məşqçisi müəyyənləşib.

90deqiqe.Az-ın məlumatına görə, bu barədə klubun mətbuat xidməti məlumat yayıb.

İstanbul təmsilçisinin "sükanı" Əmrə Belözoğluna həvalə edilib.

Klubun yaydığı rəsmi açıqlamada bildirilir:

“Kasımpaşamız, baş məşqçi vəzifəsi üçün Emre Belözoğlu ilə müqavilə imzalayıb. Klub prezidentimiz Halil İbrahim Akyıldızın da iştirakı ilə keçirilən mərasimdə yeni baş məşqçimiz komandanı idarə edəcək müqaviləyə imza atdı”.

Qeyd edək ki, Emre Belözoğlu son olaraq Super Liqa təmsilçilərindən “Antalyaspor”u çalışdırıb.

Xatırladaq ki, “Kasımpaşa” bu gün gürcü mütəxəssis Şota Arveladze ilə yollarını qarşılıqlı anlaşma yolu ilə ayırıb.