“Qalatasaray” “Fənərbağça”nın futbolçusu barədə cinayət işi tələb edib

“Qalatasaray” prinsipial derbidə baş verən insidentlə bağlı “Fənərbağça”nın hücumçusu Con Duranın barəsində hüquqi addım atıb.

90deqiqe.Az-ın “Hurriyet” nəşrinə istinadən məlumatına görə, İstanbul klubu kolumbiyalı futbolçunun qoldan sonra sərgilədiyi davranışa görə prokurorluğa müraciət ünvanlayıb.

Məlumata görə, Duran 90+6-cı dəqiqədə vurduğu bərabərlik qolunu qeyri-etik şəkildə qeyd edib. “Qalatasaray” müraciətdə futbolçunun həmin jestinə görə onun eksqibisionizm və cinsi xarakterli hərəkətlər səbəbi ilə cəzalandırılmasını tələb edir. 

Qeyd edək ki, Con Duran “Fənərbağça”ya 2025/2026 mövsümünün sonunadək icarə əsasında məxsusdur. Hücumçunun transfer hüquqları Səudiyyə Ərəbistanının “Əl-Nəsr” klubuna aiddir.

Super Liqada 14 turdan sonra “Qalatasaray” 33, “Fənərbağça” isə 32 xalla müvafiq olaraq ilk iki sırada qərarlaşıb.