Bu mövsüm on iki türk klubunun baş məşqçisi postunu itirib

Türkiyə Superliqasında cari mövsüm ərzində 18 klubdan 12-si baş məşqçisini dəyişib.

90deqiqe.Az-ın məlumatına görə, klub rəhbərlərinin səbr səviyyəsini açıq şəkildə göstərən bu maraqlı statistika Trendyol Superliqa tərəfindən dərc olunub.

Vəzifəsindən uzaqlaşdırılanlar arasında portuqaliyalı Joze Mourinyo da yer alır. Təcrübəli mütəxəssis “Fənərbağça”dan ayrıldıqdan sonra “Benfika”ya keçib. Norveçli Ole Qunnar Sulşer isə “Beşiktaş”dan göndərildikdən sonra hələ də yeni klub tapmayıb.

Hazırda “Fənərbağça” çempionatda ikinci, “Beşiktaş” isə beşinci sıradadır.

Maraqlıdır ki, istefaya göndərilən 12 məşqçinin yerinə gətirilənlərdən üçü də artıq vəzifəsini itirib. Mövsümün sonuna qədər neçə mütəxəssisin postunu qoruyacağı isə bəlli deyil.