"Fənərbağça"nın prezidenti narkotik istintaqı üzrə ifadəyə çağırılıb

Türkiyənin  "Fənərbağça" İdman Klubunun prezidenti Sadəddin Saran narkotiklə bağlı aparılan istintaq çərçivəsində ifadə verməyə çağırılıb.

90deqiqe.Az xəbər verir ki, bu barədə "Haber Global" məlumat yayıb. Bildirilir ki, hazırda xaricdə olan S.Saran ölkəyə qayıtdıqdan sonra polis nəzarəti altında şübhəli şəxs qismində ifadə verəcək.

Xatırladaq ki, dekabrın 18-də Türkiyədə narkotik istifadəsi və satışı ilə bağlı keçirilən əməliyyatlar zamanı bir sıra tanınmış şəxslər saxlanılıb. Aktrisa İrem Sak, müğənni Aleyna Tilki, influnser Danla Bilic və sosial media fenomeni Mümine Senna Yıldız tibbi prosedurlardan sonra sərbəst buraxılıblar.

Eyni zamanda xaricdə olduqları müəyyən edilən Şeyma Subaşı, Şevval Şahin və Mert Vidinli barəsində axtarış qərarı çıxarılıb.