"Beşiktaş" səfərdə xal itirdi

Futbol üzrə Türkiyə Super Liqasında 19-cu turun oyunlarına yekun vurulub.

90deqiqe.Az-ın məlumatına görə, turun son matçında "Beşiktaş" səfərdə "Eyüpspor"un qonağı olub. İstanbul təmsilçisi ilk hissəni vurduğu qolla öndə başa vurub. İkinci hissəyə daha sürətli başlayan meydan sahibləri 57-ci və 65-ci dəqiqələrdə rəqib qapısından 2 top keçirərək hesabda önə keçib. Lakin "qara qartallar" buna cavab verərək hesabı bərabərləşdirməyi bacarıb.

Beləliklə, "Beşiktaş" məğlubiyyətsiz seriyasını 10 oyuna çatdırdı və xallarının sayını 33-ə çatdırıb. Liderlə xal fərqi 13-ə çatıb.