İkardi “Qalatasaray”ın rekordunu yenilədi

Türkiyə Superliqasında 22-ci turun oyunları davam edir.

90deqiqe.Az xəbər verir ki, “Qalatasaray” doğma meydanda “Eyüpspor” üzərində 5:1 hesablı inamlı qələbə qazanıb. Matçın əsas qəhrəmanı Mauro İkardi olub. Argentinalı hücumçu üç qol vuraraq klub tarixində yeni rekorda imza atıb.

İkardi İstanbul təmsilçisinin ən məhsuldar legioneri adına sahib çıxıb. O, bu göstəricidə 75 qolla yadda qalan Georgi Hacini geridə qoyub və qollarının sayını 76-ya çatdırıb.

Ümumi bombardirlər siyahısında isə argentinalı futbolçu yeddinci pillədə qərarlaşıb.

Xatırladaq ki, İkardi 2023-cü ildən “Qalatasaray”da çıxış edir. O, daha əvvəl PSJ-nin formasını geyinib.