"Beşiktaş" - "Qalatasaray" derbisinin hakimləri açıqlanıb

Türkiyə Futbol Federasiyasının Mərkəzi Hakimlər Komitəsi "Beşiktaş" ilə "Qalatasaray"arasında keçiriləcək derbinin hakimlərini açıqlayıb.

90deqiqe.Az xəbər verir ki, Süper Liqanın 25-ci turu 7 mart, şənbə günü tək matçla başlayacaq. Həftənin açılış matçında "Başakşəhər" və "Göztəpə" üz-üzə gələcək. Tur, 9 martda oynanacaq iki matçla başa çatacaq. Həftənin son matçlarında isə "Kayserispor"- "Trabzonspor" və "Alanyaspor"- "Gənclərbirliyi" qarşılaşmaları keçiriləcək.

25-ci tur öncəsi Türkiyə Futbol Federasiyası qarşılaşmalarda fəaliyyət göstərəcək hakimlərin adlarını açıqlayıb. Xəbərdə "Başakşəhər" - Göztəpə" və "Beşiktaş" - "Qalatasaray" matçlarının hakimləri yer alıb.

Buna görə, "Beşiktaş"- "Qalatasaray"derbisini Ozan Ergün idarə edəcək. Onun köməkçiləri Anıl Usta və Mustafa Savranlar olacaq, dördüncü hakim funksiyasını isə Adna Deniz Kayatepe yerinə yetirəcək.

Derbi 7 mart, şənbə günü "Tüpraş Stadionu"nda keçiriləcək.