"Fənərbağça" prezidentinə 2 il 6 ay həbs cəzası verildi

Türkiyənin "Fənərbağça" klubunun prezidenti Sadettin Saran barəsində məhkəmə qərarı çıxarılıb.

90deqiqe.Az xəbər verir ki, İstanbulda keçirilən məhkəmə iclasında funksioner "qanunsuz mərc oyunlarına təşviq" ittihamı üzrə təqsirli bilinərək 2 il 6 ay müddətinə azadlıqdan məhrum edilib.

Bildirilir ki, qərarla bağlı hüquqi prosedurların davam etdirilməsi mümkündür və proses hələ tam yekunlaşmayıb.

Qeyd edək ki, Sadettin Saran ötən ilin sentyabr ayından "Fənərbağça"ya rəhbərlik edir. O, iyunun 6-7-də keçiriləcək klub prezident seçkilərində namizəd olmayacağını açıqlayıb.