- Türkiyə S.L.
- 13:59 27.09.2026
Türkiyənin “Fənərbağça” klubu futbolçusu Fredlə yollarını ayırıb.
90deqiqe.Az-ın məlumatına görə, İstanbul təmsilçisi 33 yaşlı yarımmüdafiəçi ilə qarşılıqlı razılıq əsasında müqaviləyə xitam verib. Bununla bağlı Türkiyə Futbol Federasiyasına da rəsmi məlumat təqdim olunub.
Braziliya millisinin sabiq üzvü Fred 2023-cü ildə İngiltərənin “Mançester Yunayted” klubundan “Fənərbağça”ya transfer olunmuşdu.
Beləliklə, təcrübəli yarımmüdafiəçinin İstanbul klubundakı ikiillik çıxışı başa çatıb.
