“Fənərbağça” səfərdə uduzdu

Türkiyə Superliqasının 2026/2027 mövsümünün ilk turunda “Fənərbağça” səfərdə “Gənclərbirliyi” ilə qarşılaşıb.

90deqiqe.Az xəbər verir ki, Ankara təmsilçisi doğma meydanda İstanbul klubunu 2:1 hesabı ilə məğlub edib.

Qarşılaşmaya fəal başlayan “Fənərbağça” 13-cü dəqiqədə hesabı açıb. Anderson Taliska dəqiq zərbə ilə komandasını önə keçirib.

“Gənclərbirliyi” ilk hissənin sonlarına yaxın hesabı bərabərləşdirib. 37-ci dəqiqədə Franko Tonya fərqlənərək matçda tarazlığı bərpa edib və komandalar fasiləyə 1:1 hesabı ilə yollanıblar.

İkinci hissədə meydan sahibləri üstünlüyü ələ keçiriblər. 56-cı dəqiqədə Oğulcan Ülgün “Gənclərbirliyi”nin ikinci qolunu vuraraq komandasını hesabda önə çıxarıb.

Qarşılaşmanın qalan bölümündə hesab dəyişməyib. Beləliklə, “Gənclərbirliyi” mövsümə qələbə ilə başlayıb, “Fənərbağça” isə ilk turda məğlubiyyətlə üzləşib.

Qeyd edək ki, növbəti turda “Fənərbağça” doğma meydanda “Konyaspor”u qəbul edəcək. “Gənclərbirliyi” isə səfərdə “Göztəpə” ilə qarşılaşacaq.