“Fənərbağça” “Konyaspor”u 4 qolla məğlub etdi

Türkiyə Super Liqasının 2-ci turunda “Fənərbağça” doğma meydanda “Konyaspor”u qəbul edib.

 90deqiqe.Az-ın məlumatına görə, Kadıköydə keçirilən qarşılaşma İstanbul klubunun 4:2 hesablı qələbəsi ilə başa çatıb.

“Fənərbağça” 7-ci dəqiqədə Vedat Muriqinin qolu ilə hesabı açıb. “Konyaspor” 11-ci dəqiqədə Ebrima Kollinin qolu ilə cavab verərək hesabı bərabərləşdirib.

Meydan sahibləri 20-ci dəqiqədə Meyson Qrinvudun qolu ilə yenidən önə keçib. 33-cü dəqiqədə Marko Asensio fərqlənərək “Fənərbağça”nın üstünlüyünü iki topa çatdırıb. Asensionun qolunda məhsuldar ötürməni də Qrinvud edib.

İkinci hissənin 49-cu dəqiqəsində Qrinvud daha bir dəfə fərqlənərək dubla imza atıb və hesabı 4:1-ə çatdırıb.

“Konyaspor” 90+4-cü dəqiqədə Deniz Türüçün qolu ilə fərqi azaltsa da, İstanbul təmsilçisinin qələbəsinə mane ola bilməyib.

Bu nəticədən sonra xallarını 3-ə çatdıran “Fənərbağça” növbəti turda səfərdə “Samsunspor”la qarşılaşacaq. “Konyaspor” isə doğma meydanda “Kocaelispor”u qəbul edəcək.