Salahdan dubl, “Trabzonspor”dan ilk qələbə

Türkiyə Super Liqasının 2-ci turunda “Trabzonspor” doğma meydanda “Başakşəhər”i qəbul edib.

90deqiqe.Az-ın məlumatına görə, qarşılaşmada “Trabzonspor” 2:1 hesablı qələbə qazanaraq çempionatda mövsümün ilk 3 xalını əldə edib. Meydan sahiblərinin qələbəsində Məhəmməd Salahın dublu həlledici rol oynayıb.

“Başakşəhər”in yeganə qolunu Eldor Şomurodov penaltidən vurub.

Salah qarşılaşmanın son dəqiqələrində daha iki dəfə fərqlənsə də, qollardan biri ofsayd, digəri isə qayda pozuntusu səbəbindən qeydə alınmayıb.

Bu nəticədən sonra “Başakşəhər” 3 xalda qalıb, “Trabzonspor” isə xalını 4-ə yüksəldib.

Qeyd edək ki, “Trabzonspor” həftəiçi Avropa Liqasının pley-off mərhələsində “Ferentsvaroş”a 0:1 hesabı ilə məğlub olub. Türkiyə təmsilçisi cavab oyununda Macarıstan klubunu məğlub edərək turnirin liqa mərhələsinə vəsiqə qazanmağa çalışacaq.