Türkiyənin “Beşiktaş” klubunun yeni prezidenti müəyyənləşib.
Corner.az xəbər verir ki, bu gün keçirilən seçkilərdə Əhməd Nur Çebi "qara qartal"ların yeni prezidenti seçilib.
Onunla yanaşı, Serdal Adalı və Hürser Tekinoktay da prezidentlik uğrunda mübarizə aparıb. Lakin Əhməd Nur Çebi digərlərindən daha çox səs toplayıb. O, səslərin 4015-ni qazanarkən, Adalı 2311, Tekinoktay isə cəmi 458 səs toplaya bilib.
Beləliklə, Əhməd Nur Çebi “Beşiktaş” tarixinin 34-cü prezidenti olub.
Qeyd edək ki, bu posta 2012-ci ildən Fikrət Orman rəhbərlik edirdi. Orman bir müddət əvvəl istefasını açıqlamışdı.