Qvardiolanın agenti “Trabzonspor”la bağlı yayılan xəbərlərə aydınlıq gətirdi

Türkiyə mətbuatında məşhur baş məşqçi Xosep Qvardiolanın “Trabzonspor”u çalışdıracağı ilə bağlı iddialar yayılıb.

90deqiqe.Az-ın məlumatına görə, "Qara dəniz" klubu ulduz mütəxəssisə mövsüm başına 13 milyon avro maaş təklif etməyə hazırdır.

Lakin Qvardiolanın agenti bu xəbərlərə münasibət bildirərək yayılan iddiaları təkzib edib.

“Pep bu mövsüm heç bir klubda və ya milli komandada baş məşqçi kimi çalışmayacaq”, – agentin sözlərini "AS" yayıb.

Qeyd edək ki, “Trabzonspor” yay transfer pəncərəsində heyətini ulduz hücumçu Məhəmməd Salah ilə gücləndirib.

Türkiyə təmsilçisi avqustun sonunda Avropa Liqasının pley-off mərhələsində Macarıstanın “Ferentsvaroş” klubuna iki oyunun nəticəsinə əsasən 0:5 hesabı ilə məğlub olub. Nəticədə “Trabzonspor” mübarizəni Avropa Konfrans Liqasının liqa mərhələsində davam etdirəcək.