“Trabzonspor” səfərdə “Konyaspor”a məğlub oldu

Türkiyə Super Liqasının V turunda “Konyaspor” doğma meydanda “Trabzonspor”u qəbul edib.

90deqiqe.Az xəbər verir ki, MEDAŞ Konya Böyükşəhər Stadionunda keçirilən qarşılaşma meydan sahiblərinin 1:0 hesablı qələbəsi ilə başa çatıb.

Matçda hesab artıq 2-ci dəqiqədə açılıb. “Konyaspor”un futbolçusu Toth fərqlənərək komandasına qələbə qazandıran yeganə qolun müəllifi olub.

Beləliklə, “Konyaspor” cari mövsümdə ilk qələbəsini əldə edib və xallarının sayını 3-ə çatdırıb.

“Trabzonspor” isə son üç turda ikinci məğlubiyyətini alıb və 7 xalla qalıb.

Qeyd edək ki, Super Liqanın VI turunda “Trabzonspor” doğma meydanda “Qalatasaray”ı qəbul edəcək. “Konyaspor” isə səfərdə “Kasımpaşa” ilə qarşılaşacaq.