“Qalatasaray” azlıqda qalmasına baxmayaraq qələbə qazandı

Milli komandaların oyunları ilə əlaqədar fasilədən sonra Türkiyə Super Liqasının VII turu bir qarşılaşma ilə başlayıb.

90deqiqe.Az-ın məlumatına görə, “RAMS Park” stadionunda keçirilən matçda “Qalatasaray” rəqibindən üstün olub.“Qalatasaray” doğma meydanda “Kasımpaşa”nı 3:1 hesabı ilə məğlub edib.

Meydan sahiblərinin heyətində Abdülkerim Bardakcı 45-ci, Barış Alper Yılmaz 90-cı, Mario Lemina isə 90+6-cı dəqiqədə qol vurub. “Kasımpaşa”nın yeganə qoluna 68-ci dəqiqədə Rak-Sakyi imza atıb.

Qarşılaşmanın 65-ci dəqiqəsində “Qalatasaray”ın futbolçusu Lukas Torreyra VAR yoxlamasından sonra birbaşa qırmızı vərəqə ilə cəzalandırılıb.

Qələbə sayəsində xallarını 16-ya çatdıran “Qalatasaray” turnir cədvəlindəki mövqeyini möhkəmləndirib. Mövsümdə ilk məğlubiyyətini alan “Kasımpaşa” isə 10 xalla qalıb.