“Beşiktaş” “Kocaelispor”a qalib gələrək ikinci pilləyə yüksəldi

Türkiyə Super Liqasının növbəti turunda “Beşiktaş” öz meydanında “Kocaelispor”u qəbul edib.

90deqiqe.Az-ın məlumatına görə, qarşılaşma İstanbul təmsilçisinin 2:1 hesablı qələbəsi ilə başa çatıb. İlk hissədə vurulan qollarla yadda qalan matçda “Beşiktaş” üç xal qazanmağı bacarıb.

Meydan sahiblərinin qələbə qollarını Orkun Kökçü və Vlahoviç penaltidən vurublar. Qonaqların heyətində isə Şou fərqlənib.

Bu nəticədən sonra xallarını 15-ə çatdıran “Beşiktaş” turnir cədvəlinin ikinci pilləsinə yüksəlib. 12 xalı olan “Kocaelispor” isə yeddinci sırada qərarlaşıb.

Qeyd edək ki, bu qələbə “Beşiktaş”a liderlə xal fərqini minimuma endirmək imkanı verib.