“Antalyaspor”un yeni baş məşqçisi müəyyənləşib.
Corner.az xəbər verir ki, Super Liqa təmsilçisi xorvatiyalı məşqçi Stepan Tomasla razılaşıb.
Türkiyə mətbuatının məlumatına görə, bir neçə gün əvvəl Bülənt Korkmazla yollarını ayıran Superliqa təmsilçisi xorvatiyalı mütəxəssislə 2,5 illik razılıq əldə edib. Artıq Antalyaya gələn 43 yaşlı məşqçi ilə tezliklə rəsmi müqavilə imzalanacaq. Onun əsas köməkçisi isə Ayhan Akman olacaq.
Qeyd edək ki, “Antalyaspor” hazırda 11 xalla 15-ci sırada qərarlaşıb.
