“Qalatasaray” klubu daha bir ciddi itki ilə üzləşib.
Corner.az xəbər verir ki, İstanbul təmsilçisi 26 yaşlı futbolçusu Mario Lemina da sıradan çıxıb.
Qabonlu futbolçu zədəlilər siyahısına qoşulub. Klubun mətbuat xidmətinin məlumatına görə, sağ diz bağlarında gərilmə aşkarlanıb. Artıq müalicəsinə start verilən futbolçunun dəqiq nə vaxt yaşıl meydanlara qayıdacağı bilinmir.
Xatırladaq ki, “Qalatasaray”da Radamel Falkao və Florin Andone xeyli müddətdi zədə səbəbindən komandasına kömək edə bilmirlər. Bundan əlavə Rayan Babel, Fernando Muslera və Kristian Luyindama da millilərinin düşərgəsində zədələniblər.
