Superliqa klubu baş məşqçisini qovdu

Türkiyənin Ankaragücü klubu baş məşqçisi İsmail Kartalla yollarını ayırıb.

Corner.az komanda.az-a istinadən xəbər verir ki, 16-cı turda keçirilən Sivassspor - Ankaragücü matçından sonra klub rəhbərliyini tənqid edən Kartal, istefaya göndərilib. Bu barədə klubun rəsmi saytı məlumat yayıb.İsmail Kartal 0:4 hesabıyla məğlub olduqları Sivasspor oyunundan sonra, mətbuata açıqlamasında bunları demişdi: “6 aydır məvacib ala bilmirik, mən olsaydım, gecəmi gündüzümə qataraq, bu məsələni həll edərdim. Futbolçular uzun müddətdir ki, məvacib ala bilmirlər. Onları oyunlara kökləmək çətindir. Buna görə də, 5 həftədir eniş yaşayırıq”.

Qeyd edək ki, Ankaragücü Super Liqada 16 turdan sonra 20 xalla 11-ci pillədə qərarlaşıb.