“Fənərbaxça” klubu ciddi itki ilə üzləşib.
Corner.az xəbər verir ki, İstanbul təmsilçisinin futbolçusu Viktor Mozes sıradan çıxıb.
29 yaşlı futbolçu Türkiyə kuboku çərçivəsində “İstanbulspor”a qarşı keçirdikləri oyunda zədələnib. Həmin oyunun 77-ci dəqiqəsində əvəzlənən Mozes tibbi müayinədən keçib. İstanbul klubunun rəsmi saytının məlumatına görə, sol ayaq əzələsində yırtıq aşkarlanan nigeriyalı futbolçu Super Liqanın son üç turunda komandasına kömək edə bilməyəcək. Onun qış fasiləsi zamanı keçiriləcək təlim-məşq toplanışına qədər zədəsinin bərpa edəcəyi gözlənilir.
