Rossi karyerasını bərpa etdi

İtaliya millisinin sabiq hücumçusu Cüzeppe Rossi il yarımlıq fasilədən sonra karyerasını bərpa edib.

Corner.az xəbər verir ki, 33 yaşlı futbolçu ABŞ-da çıxış edəcək. Təcrübəli futbolçu MLS təmsilçisi "Real Solt-Leyk"də oynayacaq.

ABŞ-da anadan olan Rossi artıq yeni komandasının düşərgəsinə qoşulub. O, 2018-ci ilin yayında "Cenoa"dan ayrıldıqdan klubsuz idi.

Qeyd edək ki, Cüzeppe Rossi karyerası ərzində “Mançester Yunayted”, Nyukasl”, “Fiorentina”, “Vilyareal”, “Selta” və “Parma”da da çıxış edib.