"Qarabağ”ın sabiq müdafiəçisi Ansi Aqolli “İnstaqram” səhifəsindəki paylaşımında keçmiş komandasına qarşı sadiqliyini nümayiş etdirib.
Corner.az xəbər verir ki, almaniyalı futbolçu Ağdam klubundan getməsinin 1 illiyi münasibəti ilə Azərbaycan dilində belə yazıb:
“Bir il əvvəl bu gün “Qarabağ”la son oyunumu oynamışam. O vaxtdan bəri heç nə dəyişmədi. Mən səni sevirəm, Qarabağ”.
Qeyd edək ki, təcrübəli futbolçu bu mesajı hazırda karyerasını davam etdirdiyi ABŞ-dan yazsa da, paylaşım yeri olaraq Ağdam şəhərini qeyd edib.
Əlavə edək ki, Aqollinin “Qarabağ”da son oyunu bir il öncə Premyer Liqada “Səbail”ə qarşı səfər matçında olub.
