Virusu yayan bizik - Droqba

 “Fil Dişi Sahilindən olan qardaşlarıma səslənirəm. Virus məsələsinə çox ciddi yanaşmağınızı istəyirəm. Çünki bu duruma adi baxmağa meyilliyik”.

Corner.az xəbər verir ki, bu sözlər "Çelsi" və "Qalatasaray"ın sabiq futbolçusu Didye Droqbaya məxsusdur. Fil Dişi Sahilindən olan keçmiş hücumçu sosia şəbəkə hesabındakı paylaşımında həmvətənlərinə müraciət edərək koronavirusdan qorunmaq üçün gigiyenik qaydalara əməl etmək lazım olduğunu bildirib:

“Dövlətin qoyduğu qaydalara əməl etmək məcburiyyətindəyik. Virusu yayan bizik, hamımız məsuliyyət daşıyırıq. Əllərinizi müntəzəm olaraq yuyun, sadəcə, lazım olanda çölə çıxın və insanlarla ən azı bir metr məsafə saxlayın”. (qol)