Mən Formula 1'əm, Jiru isə kartinqdir - Benzema

"Real Madrid"in futbolçusu Kərim Benzema "Çelsi"nin hücumçusu Olivye Jiru ilə müqayisə olunmasına münasibət bildirib.

Corner.az-ın məlumatına görə, 33 yaşlı hücumçu şəxsi "İnstagram" hesabında bununla bağlı suala maraqlı cavabıilə diqqət çəkib.

Özünü "Formula 1", Jirunu isə kartinqə bənzədən fransalı futbolçu bildirib ki, bu iki yarışı müqayisə etmək düzgün deyil: "Mən "Formula 1" yarışıyam. Onun isə öz karyerası var, istədiyi şeyləri edir və qollarını vurur. Jiru haqqında çox düşünmürəm. O, öz yolundadır, mən öz yolumda".

Qeyd edək ki, Kərim Benzema 2009-cu ildən "Real Madrid"də çıxış edir.