- Xəbər news
- 13:57 10.05.2026
"Real Betis" klubunun qadın futbolçusu Ana Romero koronavirusla mübarizə məqsədilə peşəsini müvəqqəti dəyişib.
Corner.az-ın məlumatına görə, bu barədə ispaniyalı hücumçu şəxsi "Instagram" səhifəsində bildirib.
33 yaşlı futbolçu xəstəxanada işləməyə başladığını yazıb: "Bu günlərdə koronavirusla mübarizədə öz köməyimi göstərə bildiyim üçün şadam. Bunu etməyin vaxtı çatıb. Evdə qalın!"
Qeyd edək ki, Ana Romero daha əvvəl "Valensiya", "Barselona" və "Sevilya" klublarında çıxış edib.
