Maradona'dan xeyirxah addım - FOTO

Argentina millisinin keçmiş futbolçusu Dieqo Maradona xeyriyyə aksiyası keçirib.

Corner.az-ın "El Correo"ya istinadən məlumatına görə, sabiq hücumçu qızıl medal qazandıqları 1986-cı il dünya çempionatındakı avtoqraflı futbolkası ilə 90 kq ərzaq məhsulu, maska və antiseptika toplayıb. Onların hamısı Rene Favaloro rayonunun sakinləri arasında bölüşdürüləcək.

Qeyd edək ki, aksiya paytaxt Buenos-Ayres ətrafındakı kasıb sakinlərə dəstək məqsədilə təşkil olunub. Əvvəlcə formanı hərracda satmaq planlaşdırılıb. Lakin sonradan futbolkanın daha çox yardım edənlər arasında oynanılması qərara alınıb. (report)