31-ci dəfə ölkə çempionu oldular

"Srvena Zvezda" Serbiya Superliqasında vaxtından əvvəl çempionluğu rəsmiləşdirib.

Corner.az xəbər verir ki, koronavirus səbəbindən 2.5 aydır oynanılmayan və bu gün bərpa olunan çempionatın 27-ci turunda komanda səfərdə "Rad"la qarşılaşıb. Rəqibini 5:0 hesabı ilə darmadağın edən "Srvena Zvezda" liqanın bitməyinə 3 tur qalmış çempionluğu təmin edib.

Bununla da, Belqrad təmsilçisi tarixində ardıcıl 3-cü, ümumilikdə isə 31-ci dəfə ölkə çempionu olub.

Qeyd edək ki, hazırda 72 xalı olan "Srvena Zvezda" ən yaxın izləyicisi "Partizan"ı (26 oyun, 58 xal) 14 xal qabaqlayır.(qol)