- Xəbər news
- 11:02 25.10.2024
Gürcüstanın "Samtredia" klubunda çıxış edən azərbaycanlı futbolçu Nicat Qurbanov 6-cı turun rəmzi heyətində yer alıb.
Corner.az xəbər verir ki, "live.ge" nəşri 28 yaşlı yarımmüdafiəçini "11-liy"ə hücumçu kimi daxil edib. Nicat bu turda "Merani" ilə görüşün 54-cü dəqiqəsində penaltidən fərqlənərək komandasına qələbə qazandırıb - 2:1.
Xatırladaq ki, Qurbanov vurduğu qolu şəhidlərə və bütün əsgərlərə həsr etdiyini bildirib.
"Samtredia" 6 turdan sonra 8 xalla 6-cı pillədə qərarlaşıb.
