Karyeramı başa vurduqdan sonra evlənəcəyəm

"Tottenhem"in hücumçusu Son Hın Min futbolçu karyerasını başa vurana qədər evlənməyi düşünmür.

Corner.az xəbər verir ki, bu barədə 28 yaşlı oyunçu "Guardian"a müsahibəsində deyib:

"Atam futbolçu karyeramı başa vurana qədər evlənməyimin yaxşı olmayacağımı söyləyir. Mən də bu fikirlə də razıyam. Evləndiyiniz zaman ailəniz, həyat yoldaşınız və övladlarınız həyatınızda əsas yer tutur, futbol isə ikinci yerdə gəlir. Yüksək səviyyədə oynamağa davam etmək üçün futbolun həyatımın mərkəzində olmasını istəyirəm. Bu cür səviyyədə nə qədər oynayacağımı bilmirəm. Futbolçu karyeramı başa vurduğum zaman, 33-34 yaşına çatanda hələ də evlənmək şansım ola bilər".(qol)