Neymar Bavariya ilə Bayer'i səhv saldı

PSJ-nin hücumçusu Neymar Çempionlar Liqasının kubokunun qazanması münasibətilə ”Bavariya”nın əvəzinə  səhvən “Bayer” klubunu təbrik edib.

Corner.az xəbər verir ki,  braziliyalı tvitter səhifəsində komandaların adlarını qarşıdırıb.

29 yaşlı futbolçu sosial şəbəkə hesabından “Məğlubiyyət idmanın bir hissəsidir. Çalışdıq və sona qədər vuruşduq. Hər kəsə sevgi və dəstəyə görə təşəkkür edirəm. Təbriklər, “Bayer” – deyə, yazıb.

Bundesliqa təmsilçisi isə braziliyalı oyunçuya belə cavab verib: “Təşəkkür edirik, Neymar. Ancaq nə üçün bizi təbrik etdiyinizi başa düşmürük. Tətildəyik, amma yenə də təşəkkürlər”.

Qeyd edək ki, "Bavariya" tarixində 6-cı dəfə Çempionlar Liqasını qazanıb.