Səudiyyə Ərəbistanı çempionatında 2019/20 mövsümünün qalibi müəyyənləşib.
Corner.az xəbər verir ki, 28-ci turda “Əl-Həzm”i 4:1 hesabıyla məğlub etdiyi oyunda sabiq Qalatasaray'lı Bafetimbi Qomes het-trik edərək “Əl-Hilal”a sona iki tur qalmış çempionluq qazandırıb.
Komanda ən yaxın izləyicisi “Əl-Nəsr”i 6 xal qabaqlayaraq, rəqibi üçün əlçatmaz olub və 16-cı çempionluğunu qazanıb.
2017/18 mövsümünü “Qalatasaray”da keçirən Qomes, 2018-ci ilin avqustundan “Əl-Hilal”dadır.
