- Xəbər news
- 22:34 14.11.2024
PSJ-nin futbolçusu Neymar "Barselona"da çıxış edən Lionel Messinin rekordunu qırıb.
Corner.az məlumatına görə, 28 yaşlı hücumçu buna Braziliya millisinin heyətində nail olub. Neymar 2022-ci ildə Qətərdə keçiriləcək dünya çempionatının seçmə mərhələsində Boliviya ilə görüşdə 18 uğurlu driblinq edib.
Bu, son üç mundialın seçmə mərhələsində ən yaxşı göstəricidir. Əvvəlki rekordu 2011-ci ildə Kolumbiyaya qarşı Argentina yığmasının heyətində Lionel Messi (15 uğurluq driblinq) gerçəkləşdirib.
Qeyd edək ki, Braziliya Boliviyanı 5:0 hesabı ilə üstələyib.
