Dadaşovun komandası yarımfinalda
ABŞ-ın USL çempionatında pley-off mərhələsinin 1/4 final qarşılaşmaları keçirilib.Corner.az xəbər verir ki, Azərbaycan millisinin üzvü Rüfət Dadaşovun çıxış etdiyi “Finiks Rayzinq” səfərdə “Reno”nun qonağı olub. Əsas vaxtı 2:2 hesabıyla bitən görüşün qalibi penaltilər seriyasında müəyyənləşib və “Finiks Rayzinq” daha dəqiq olaraq, yarımfinala yüksəlib – 5:4. Dadaşov meydana start heyətdə çıxıb və sona qədər mübarizə aparıb. O, 5-ci penaltini dəqiq yerinə yetirib. Qeyd edək ki, “Finiks Rayzinq” pley-off mərhələsinin yarımfinalında “El Paso” ilə qarşılaşacaq.
