Maradonanın xəstəxanadan buraxılacağı vaxt bilindi

 "Ximnasiya və Esqrima"nın baş məşqçisi Dieqo Maradonanın həkimi Leopoldo Luke onun vəziyyətindən danışıb.

Corner.az "Mundo Deportivo"ya istinadən xəbər verir ki, o, 60 yaşlı mütəxəssisin tezliklə evə buraxıla biləcəyini söyləyib.

Luke Marodonanın durumunun yaxşı olduğunu bildirib: "O, artıq xəstəxanadan çıxmağı gözləyir. Terapevtlər demək olar ki, vaxt təyin ediblər. Tezliklə onlarla danışacağıq. Bir neçə testi də keçməliyik, amma irəliləyişlərin olduğu aydındır. Praktiki olaraq sağlamdır və artıq xəstəxananı tərk etmək istəyir. O, bu gün və ya sabah evə buraxılacaq".

Qeyd edək ki, son illər Dieqo Maradona səhhəti sarıdan çoxlu problem yaşayıb.