Belçikanın "Ostende" klubu qapıçısı Fabris Ondoa ilə müqaviləyə xitam verib.
Corner.az xəbər verir ki, bu barədə klubun rəsmi saytı məlumat yayıb.
Məlumatda bildirilir ki, buna səbəb kamerunlu futbolçunun koronavirus pandemiyası dövründə əyləncə məclisi təşkil etməsi olub.
Hadisə ötən həftə baş verib. 24 yaşlı qolkiperin evindən çox səs-küy gəldiyini eşidən qonşular polis çağırıblar. Bu zaman Ondoanın təqribən 10 nəfərlik məclis quraraq karantin qaydalarını pozduğu müəyyənləşib. Bundan əlavə, hadisə yerinə gəlmiş polislər qonaqların hücumuna məruz qalıb.
