Liverpul'u çalışdırmaq istəyərəm - Cerarrd

“Liverpul”un sabiq kapitani və hazırda “Reyncers”i çalışdıran Stiven Cerrard “mersisaydlılar”la işləmək istəyindən danışıb.

Corner.az “Atletik”ə istinadən xəbər verir ki, 40 yaşlı mütəxəssis “qırmızılar”ın baş məşqçisi olmağı xəyal etdiyini deyib:

“Bir gün “Liverpul”u çalışdırmaq istəyərəm? Əlbəttə ki, hə. Bu, xəyalımdır. Mənim üçün “Liverpul” hər şeyi ifadə edən klubdur. Dünyanın ən yaxşısı olmasa da, “Liverpul”un qapısından girdiyi andan etibarən inanılmaz olan bir baş məşqçimiz var. Son bir neçə ildə Yurgen Klopp komandaya çox uğur gətirdi. “Liverpul” fantastik bir formadadır. Bunun mümkün qədər çox davam etməsini istəyərəm”.

Qeyd edək ki, Cerrad 1998–2015-ci illərdə “Liverpul”da çıxış edib.