Uelsin Cardiff klubunun yeni transferi Emiliano Salanın da içində olduğu itən təyyarə tapılıb.
Corner.az xəbər verir ki, təyyarənin qırıntıları Qernsi adası yaxınlığında, La-Manş boğazının dibində aşkarlanıb. Bu barədə Salanın və təyyarənin pilotu Aybbotsonun ailəsinə məlumat verilib. Onların meyitlərinin tapılıb-tapılmadığı barədə xəbər yoxdur.
Axtarışları xüsusi maliyyələşdirilmiş bir kommersiya şirkəti aparıb.
Qeyd edək ki, Argentinalı futbolçu İngiltərə Premyer Liqasında çıxış edən Cardiff-in ən bahalı transferi kimi klub tarixinə düşmüşdü.
"Goal.az"
