Libertadores kubokunun final matçı keçirilib.
Corner.az xəbər verir ki, həlledici matçda Braziliyanın “Palmeyras” və “Santos” klubları qarşılaşıb.
Oyunun əsas vaxtında qapılara qol vurulmayıb. İkinci hissəyə əlavə edilmiş vaxtda fərqlənən “Palmeyras”ın futbolçusu Breno Enrike komandasını çempion edib.
“Palmeyras” tarixində ikinci dəfə bu kuboka sahib çıxıb. Klub ilk dəfə 1999-cu ildə Libertadores kubokunu qazanıb.
