Dünyanın ən yaxşı qapıçıları açıqlandı

Beynəlxalq Futbol Tarixi və Statistikaları Federasiyası (IFFHS) dünyanın ən yaxşı qapıçılarının yeni siyahısını dərc edib.

Corner.az-ın məlumatına görə, araşdırma 1987 - 2020-ci illəri əhatə edib.

IFFHS 34 ildə hər mövsüm yüksək nəticə göstərən qapıçıları sıralayıb. Hər il "20-lik"də yer alan qapıçılar xallar toplayıb. Birinci yerin sahibi 20, ikinci yer 19, üçüncü yer isə 18 xa alıb. 20-ci yerdəki qolkiperə 1 xal verilib.

Siyahının ilk pilləsində "Yuventus"un qapıçısı Canluici Buffon qərarlaşıb. 43 yaşlı qolkiperin aktivində 357 xal var.

İspaniya milisinin və "Real"ın keçmiş kapitanı İker Kasilyas 260 xalla ikinci, Çexiya yığmasının sabiq üzvü Petr Çex isə 218 xalla üçüncü pillədə yer alıb.

Niderlandlı Edvin van der Saar (201 xal) dördüncü, Almaniya millisinin və "Bavariya"nın qapıçısı Manuel Noyer (200 xal) isə 5-ci yerdədir.