- Xəbər news
- 11:02 25.10.2024
"Yuventus"un sabiq futbolçusu Ştefan Lixtştayner karyerasını bitirdikdən sonra Sürixdəki saat zavodunda təcrübəçi kimi işə başlayıb.
Corner.az-ın məlumatına görə, bu barədə veteran müdafiəçi "20 Minuten" nəşrinə müsahibəsində deyib.
37 yaşlı sabiq futbolçu bildirib ki, bu iş hər zaman onun xoşuna gəlib: "Ona görə də saatların necə işlədiyini, onları söküb-yığmağı öyrənmək qərarına gəldim. Ümid edirəm ki, çox şey öyrənəcəyəm. Bilirsiniz ki, İsveçrədə bu sahə üzrə səviyyə çox yüksəkdir".
Qeyd edək ki, isveçrəli futbolçu ötən yay futbolla vidalaşıb.
