- Xəbər news
- 11:02 25.10.2024
“Barselona”nın futbolçusu Lionel Messinin ailəsi ABŞ-ın Florida ştatının Sanni-Ayls-Biç şəhərində elit mənzil alıb.
Corner.az xəbər verir ki, bu barədə “The Real Deal” nəşri məlumat yayıb. Messinin ailəsi Kollinz küçəsində yerləşən “Regalia” yaşayış binasının bütün 9-cu mərtəbəsini alıb. Ailə bunun üçün 7,3 milyon dollar ödəyib.
Mənzildə 4 yataq otağı, 4 vanna otağı, 195 kvadratmetr terras və 1000 şüşə qablıq şərab soyuducusu var.
Messi “Forbes” jurnalında 2020-ci ilin ən yüksək ödənişli idmançıları siyahısında 3-cü yerdə göstərilib. Argentinalı hücumçu ötən il məvacib və bonuslarla birlikdə 104 milyon dollar qazanıb.