- Xəbər news
- 11:02 25.10.2024
Türkiyə milli komandasının baş məşqçisi Şenol Günəş türkiyəli tanınmış müğənni Tarkana müraciət edib.
Corner.ax xəbər verir ki, təcrübəli mütəxəssisin “Fanatik”ə verdiyi açıqlamada, Tarkandan AÇ-2020-nin oyunları üçün DÇ-2002-də olduğu kimi, bir mahnı bəstələməsini xahiş edib:
“2002-ci ildəki dünya çempionatının oyunlarından əvvəl Kosta Rikaya matç izləməyə getmişdim. Bir diskotekada Tarkanın mahnısı səsləndirilirdi. Çox bəyənmişdim. DÇ-2002-də Tarkanın “Bir oluruz yolunda” mahnısı milli komandanın ruhuna yüksək təsir göstərmişdi. Hazırkı milli komandamız üçün də AÇ-2020-nin oyunlarından əvvəl yeni mahnı bəstələməsini gözləyirəm. Tarkan DÇ-2002-dəki mahnısı ilə bizə çox kömək etdi. İndi ondan yeni mahnı istəyirəm”.
Qeyd edək ki, AÇ-2020 bu il iyunun 11-dən iyulun 11-dək keçirilməlidir.
Əlavə edək ki, AÇ-2020-yə ev sahibliyi edəcək şəhərlər arasında Bakı da var. Təqvimə əsasən, Bakı Olimpiya Stadionu A qrupunun İsveçrə – Uels, Türkiyə – Uels və Türkiyə – İsveçrə qarşılaşmalarına, eləcə də 1/4 final mərhələsinin bir oyununa ev sahibliyi edəcək.