Almaniya millisində oynamağım mənim türk olmadığım mənasına gəlmir - Gündoğan

"Gah tamamilə almaniyalı olduğumu deyirlər. Sonra da tamamilə türk olduğumu deyirlər. Bəs, mən kiməm?".

Corner.az xəbər verir ki, bu sözləri "Mançester Siti"nin futbolçusu İlkay Gündoğan "The Players Tribune"yə açıqlamasında deyib. 30 yaşlı yarımmüdafiəçi fikirlərinə bu sözlərlə davam edib:

"Ən çətin iş Almaniya millisində, yoxsa Türkiyə yığmasında oynayacağıma qərar vermək idi. Qərarımın səbəb olacağı reaksiyaları xəyal belə etmirdim. Ən çox da Türkiyədə mənim nə qədər türk olduğumu soruşurlar. Amma Almaniya millisində oynamağım mənim türk olmadığım mənasına gəlmir".

Qeyd edək ki, İlkay 2011-ci ildən Almaniya millisində çıxış edir.