İnanıram ki, Qvardiola Messini Barselona'dan ayırmağa çalışmayacaq

“Mançester Siti”nin baş məşqçisi Xosep Qvardiolanın atası Valenti Qvardiola açıqlama verib.

Corner.az xəbər verir ki, Valenti, İspaniya mətbuatına açıqlamasında oğlunun Lionel Messini “Barselona”dan ayırmaq istəməyəcəyini söyləyib:

“İnanıram ki, Qvardiola Messini “Barselona”dan ayırmağa çalışmayacaq. Çünki o, belə bir şey edərək, “Barselona”ya zərər vurmaz. Dünyada Messini istəməyəcək komanda yoxdur. Onu ilk dəfə 11-12 yaşlarında izləmişdik və o günlərdən bəri ona heyranıq.

Qvardiola artıq 50 yaşındadır. Onu yenidən “Barselona”da görmək istərdim”.

Mövsümün sonunda “Barselona”dan ayrılacağı iddia olunan Messinin adı “Mançester Siti” klubu ilə hallanır.(komanda)